15 urte bete berri ditu Ondarroako irrati askeak,eta hori ospatzeko asmotan hainbat ekitaldi iragarri dituzte.
Esan daiteke aipagarriena gaur hasi behar duten ekitaldia dela. Gaur, arratsaldeko 18:00etan hasita, 48 orduko saio etengabea hasiko dute igandera bitartean.
Sei hilabete inguru egon dira konponketengatik irratia itxita Radixu irratikoak, orain gutxi berriz ere martxan jarri ziren, eta abendutik indartsu dabiltza “15 urtez askatasuna lantzen” lemapean egiten ari diren kanpainarekin.
Asteburu honetan egongo dute beraientzako berria ez den 48 orduko saioa, eta bertan irratiko gaur eguneko eta aurreko epealdietako lagunak biltzea daukate helburu. Bihar bi orduz Radixu irratiaren saio zaharrak, momenturik onenak,etab. Entzungai izango dituztelarik.